BJP hotu hlun, Tezpur Lok Sabha MP, Assam Gorkha Sammelan Ram Prasad Sarmah chuan Lok Sabha inthlan lo awm turah an party-in Assam minister leh NEDA governor Himanta Biswa Sarma-te candidate zinga a telh laia telh a ni ve lo chu inhnuaichhiahna a ni tiin banna a thehlut a, RSS leh VHP leh BJP-ah kum 40 dawn lo thawk tawh Sarmah hian BJP mi leh sa hlun zawk te member thar te’n an ngaihsak lo a ti a, an aiawha \awngchhuak niin a insawi a ni.
Sarmah hian banna a thehluh rual hian amah thlawptute chungah a lawm thu a sawi a, Assam mipuite leh a bialte tan a dam chhunga rawng a bawl tur thute a sawi bawk a ni. Tezpur Lok Sabha constituency-a candidate tur BJP hian a la puang lo a, candidate list hi Delhi-a thawn tawh niin Inrinni hian an puanzar rin a ni.
