Bank rawktute hi mi pathum an ni a, an hmai an tuam bakah silai an keng bawk a ni. Bank-a thawk peon pakhat an sawisak hnuah Bank chhungah lutin, cash counter a\angin cheng nuai 9 an la a, almirah-a dah nuai 6 an la leh a ni. Chhaprauli Police Station-ah FIR thehluh a ni. Hetihlai hian Hardoi-a zu zawrhna hmunah mi pathum zuruiin buaina an siam a, Police ten helai hmun an thlen hian heng mi pathumte hian silai an hmet puak a, Police pahnih an kap hliam a ni.
He thil thleng hi Bagholi Police Station hriattir an nih hnuah, inkahna tihtawp tumin Police an thawk chhuak a, amaherawhchu, an tawp duh loh vangin an kap let ve a, buaina tichhuaktu zinga pakhat chu kahhliam a ni a, district hospital-ah a hliam enkawl tura hruai a ni.
A thurualpui mi pahnih te erawh an tlanbo avangin zawn chhunzawm nghal a ni bawk.
