He thil thleng Criminal Investigation Dept CID te chhuitir tura ngenna thehluh chungchang ngaihtuahin High Court hian Gujarat sorkar chu police ten he thil thleng an chhui dan report kimchang hi July ni 24 ral hmaa thehlut turin a hriattir a, Court ah hian he kangmei chhuaka kanghlum ta hmeichhe tleirawl kum 17 mi pa, Jaysukh Gajera chuan CID te chhuitir tura ngenna hi a thlen a, hemi rual hian kangmei chhuahna hmun hi phal lohna hmuna building sak a nih avangin a mawhphurtu Surat Municipal Corporation hotute pawh hrem turin court ah hian a thlen a ni.
Police te sawidanin, inchhawng 4-naah hian kangmei man hma chi \helret puan leh motor ke te a awm avangin kangmei hian a man chak zual a, he chhiatna thleng kaihhnawihah hian mi 9 man an ni tawh a ni.
