Tlabung bul Khawthlangtuipui hmanga West Bengal khawpui Kolkata leh Mizoram inkalpawh tawn theih dan tur enfiahin nimin khan Transport minister Pu TJ Lalnuntluanga’n ramri a tlawh.

0
48
views

Tlabung bula lui hmanga inkalpawhna tangkai zawka hman dan tur hi Mizoram Sorkar-in a ngaipawimawh tih, Pu TJ Lalnuntluanga hian sawiin, Tlabung bula Kawrpuichhuah leh Kolkata inkalpawhna sial tlang-a insumdawn tawn theih thuai chu Mizoram Chief Minister-in a ngaipawimawh hle tih a sawi a, lui hmanga inkalpawhna tun aia awmze nei zawka hman tangkai a nih theih nan, Inland Water Transport System tichangtlung tura hmalak chhoh zel tum a ni tih a sawi.

Thenawm state nena boruak a that loh changin, Mizoramin ei leh bar a chawkluhna luhka ber kawngpui a nghawng a, chu chuan harsatna nasa tak a thlen thin tih, Transport Minister hian a sawi a, a sutkian nan Bangladesh bakah West Bengal Sorkar nena inzarzawm dan kawng zawn zel tum a ni a ti a, Mizoram chhim lama lui lian te hmang tangkaiin Bay of Bengal kaltlangin ‘Kolkata Sea Port’ dawr thei tura hmalak tum a ni a ti.

Transport Minister Pu TJ Lalnuntluanga hi Lunglei HPC vice chairman Pu Lawmawma Tochhawng MLA leh, MP hlui Pu Vanlalzawma ten an \awiawm a, Bangladesh leh Mizoram inkalpawhna lei dawhna hmun tur ruahman lailawk pawh an tlawh nghal a ni.