Ishwar Chandra Vidyasagar-a lim siam sa hi Vidyasagar College-ah phur thlengin a awmna hmun tur thlenpui anih thlengin Chief Minister Mamata Banerjee hian ke in a zui a, dahfel anih hnuah a hawng nghal a ni.
He milim hi Lok Sabha inthlanpui atana campaign beihpui thlak lai, May ni 14 khan tih chhiat a ni a, BJP President Amit Shah-a’n campaign beihpui a thlak laia party pahnih worker te inkara buaina chhuak nen a inkaihhnawih avangin politics thila inbeih zuina lian tak a ni. Prime Minister Narendra Modi-a chuan milim tih chhiat anih a\anga ni hnihnaah Vidyasagar-a lim hi a thar din leh a tiam a, Mamata Banerjee-i erawh chuan Bengal in anmahniin an siam leh thei tih sawiin a hnial thung. Ni 10 liamta khan West Bengal sorkar chuan Home Dept principal secretary kaihhruaina hnuaiah milim hi tu tih chhiat ber nge tih chhuitu tur committee a din a ni.
