Trump-a’n chhiah tihpun belha China a vau lai hian, White House Economic Advisor, Larry Kudlow US leh China-in sumdawnna hmanga indona an kalpui mek tihtawp dan tur an zawng mek niin a sawi.

0
762
views

 

Kudlow chuan sumdawnna chungchangah China nen hian an inbiak reng thu leh chhiah chawi dan bi tih hniam an beisei laia China-in a ni lo zawnga a dawnsawn vanga harsatna awm a nih thu leh, inbiakna-ah pawh China lam hian beisei an la pha lo hle niin a sawi bawk a, China hi a luhlul tlat a nih chuan ram dangte lakah a indah hla telh telh dawn niin a sawi bawk a ni.

Insumdawn tawnna chungchang sawi tur hian US leh China thuneitute hi August thla khan an lo in kawm tawh a, US sorkar-in China thil siam a chawk luh a\anga chhiah tih pun a tum chungchanga mipuite ngaihdan lakkhawm hun pawh ningani khan khar a lo ni tawh bawk a, hei vang hian chhiah thar hi englai pawha puan theih reng a ni tawh a, hman a nih chuan US-in China a\anga chhiah a phut zat hi za zelah 25 laiin a sang dawn a ni.