Trump-a’n North Korea aiin nuclear ralthuam an ngah zawk bakah a hmeh puahna pawh a lian zawk a ti

0
540
views

US President, Donald Trump-a chuan North Korea aiin America-in nuclear ralthuam a ngah zawk a, a hmeh puahna pawh a lian zawk a, a hlauhawmin a chak zawk daih tih Kim Jong-Un a hrilh a, Kim Jong Un-a’n an nuclear ralthuam hmeh puahna chu a dawhkanah, englai pawha hmeh mai theihin a inchhawp reng nia a sawi chu chhangin, President Trump-a chuan, ram rethei leh ei tur tlachham lek lek reng hruaitu hian, America-in nuclear ralthuam hmeh puahna a nei ve nameuh mai tih leh, America ralthuam chu a hlauhawmin a chak zawk hle tih pawh hria se a duh thu a sawi a ni. Kum thar lawmna puala a thusawiah North Korea hruaitu, Kim-a hian a dawhkana nuclear ralthuam hmeh puahna chungchang hi a sawi a, heti chung hian inbiak \ha a tih thu pawh a sawi sel b^kah, thla leha Pyeongchang Games-a an tel ve tur thute pawh a sawi tel a, South Korea pawhin nimin khan, tun thla ni 9 hian Pyongyang-ah ram pahnih aiawhte inbia se a duh thu a sawi nghal a ni. United Nations-a US palai, Nikki Haley erawh chuan Korea ram pahnih inbiakna chu thil awmze nei lo niin a sawi a, America sorkar chuan North Korea hi nuclear ralthuam a neih chhung chuan, dawr tl^ka a ngaih loh thu a sawi a ni.