Trump nen an inkawp thin nia thuthang Nikki Haley-in huatthla la awm ti

UN-a US sorkar palai, Nikki Haley chuan an ram President Donald Trump nen a rukin an inkawp thin nia thuthang chu huatthla la awm leh tenawm a tih thu a sawi. He thuthang hi tunhnaia lehkhabu sawi hlawh tak, Fire and Fury ziaktu, Michael Wolff-a kawmna atanga intan a ni a, Wolff hian Trump chu a hnuaia hna sang tak thawk hmeichhe pakhat nen an inkawp thin nia a sawi bakah, he hmeichhia hi a lehkhabu ziah-ah pawh thui tak a chanchin a ziah thu a sawi a, Fire and Fury-ah hian Wolff chuan Haley hi Trump-a sorkar hnuaia hmeichhe thiltithei ber leh, a aiawh thei tur khawpa intahluh tum a ni tih a lo ziak tawh a, Haley hian President thlawhna, Air Force One leh a pisa, Oval Office-ah te an pahnihin hun rei tak tak an awm dun thin nia a sawi pawh Haley hian a pha nasa hle a, Air Force One-ah hian tum khat chauh a la chuan ve thu leh, midang thahnem tak nen an nih thu te, a hmalam hun sawipui tura President hi a la biak ngai loh thu te leh, vawi khat mah, a fala an la awm dun ngai loh thu a sawi a ni.