Tuipuiral Group YMA-in Farkawn, Chawngtui East, Thekte, Vaphai leh Sesih ram huam chhunga Tiau luia sangha leh nungcha humhalhna tura CNA te nen nikum May thlaa Victoria Camp-a ruahmanna an lo siam tawh kalpui zel dan chu nimin khan Farkawn PWD IB-ah thlirlet a ni. He Joint Meeting hi Tuipuiral Group YMA President, Pu H. Lalniliana’n a kaihruai a, hetah hian Farkawn, Chawngtui, Thekte, Vaphai leh Sesih atanga Palai kalte chuan an hmalak dan sawiin an hlawhtling thawkhat niin an sawi a, amaherawhchu hun lo kal zel turah nasa zawka tan lak a tul thu leh ruihhlo do kawngah pawh nasa zawka tan lak a tul thu an sawi a ni.
