Tuirial bial chhung Kawnpui-a National Prople’s Party (NPP) Campaign Office chu Manipur Deputy Chief Minister, Pu Yumnam Joykumar Singh-a’n vawiin khan a hawng.

0
756
views

 

Hawnna inkhawma thusawiin, Pu Yumnam Joykumar Singh chuan, National Party lian pahnih Congress leh BJP ten hmarchhak biala Tribal mipuite chu an hmangaih tak tak lo nia sawiiin, heng Party-te hian sorkar an siam pawhin Central lama an hotute thu thua an awm \hin avangin an kuta thuneihna hlan chi a ni lo niin a sawi a. NPP chu hmarchhak biala Tribal mite hmasawnna tur ngaihtuah tura din a nih avangin an chunga thuneihna nei tur an awm ve lova, hmarchhak bialin hmasawnna chak zawk a neih theih nan an kutah thuneihna hlan ngam turin mipuite a ngen a ni.

He biala NPP Candidate, Pu Hmingdailova Khiangte pawhin Congress a\anga a banna chhan chu Congress Party Nomination Committee Secretary-in Tuirial bial tel lo pawh hian sorkar an siam theih thu a hrilh chu inhmuhsitnaa a ngaih thu leh amah hmusittu Party-a tel reng chu a tan thil theih a nih loh vang niin a sawi a, he biala hian thlan nawn leh a nih chuan bial mipuite bakah Zoram pumin hma a sawn theih nan \an a la dawn niin a sawi a ni. Kawnpuia NPP Campaign Office hawn a nih hnu hian NPP hruaitute chu Thingdawlah an Campaign leh nghal a ni.