Tuirial bialtu MLA, Pu Andrew H. Thangliana’n nimin khan a bial chhung Thingdawl khua tlawhin, Thingdawl chawmna tura PHE-in Tuihnartam lui a\anga tuilakna an siam mek a enfiah.

0
87
views

MLA hi Thingdawl BDO, PHE EE leh thawktu dangte bakah NGO Co-Ordination Committee hruaituten an \awiawm a ni. PHE Department hotute chuan, Tuihnartam hi Thingdawl khaw chawm tura ruahman a ni tih sawiin, kumin March thla vel a\ang hian Pump chhuah theih tura chak taka hmalak a ni tih an sawi a ni.

Nimin vek khan Thingdawl ZPM chuan Thingdawl Chhim Veng YMA Hall-ah MLA thar lawmna an buatsaih a. He inkhawmah hian thusawiin, bialtu MLA Pu Andrew H. Thangliana chuan, Sorkar fawng vuantu lamah \ang rih lo mah se, Tuirial bial tan hian MLA awm mai mai emaw MLA ngawi reng emaw nih a tum dawn lo nia sawiin, chutiang a thlen theihna atan chuan bial chhung mipui, sorkar hnathawk leh VC tin te, party tin leh NGO hrang hrangte thawhpuiah a sawm a ni. Pu Andrew H. Thangliana chuan, bial chhung hmasawnna hna thawhna tur MLA Fund chu a \ha thei ang bera hman a tum thu pawh sawiin, mimala hausakpui tumte tan beisei chi a ni dawn lo va; MLA Fund hmanga hnathawhte chu enchian tlak leh langtlang a ni tur a ni tih a sawi.