Zonet zawhna chhangin Agriculture Director, Pu Rohmingthanga Colney chuan, tunhnaia Mizoram boruak awm dan chu he pangang inthlah chhawn nan duhthusam a nih avangin pangang hi a puang chak a, tun hnaiah ruahtui tlem a tlak tak avangin a inthlah chhawn dan muang deuh tura beisei a ni, a ti. Tun maiah chuan pangang hi a tlem leh a tam sawi mai theih ni lo mah se, a inthlah chhawn dan a muan chuan pangang pung zel tur chu a ziaawm theih beisei a ni, a ti.
Agriculture Department hotute chuan, tun hnaia Mizoram dinhmun zirchiang tura Indian Council of Agricultural Research (ICAR) hotu lo kalte chu tawn hriat tam tak nei tawh an nih avangin an hnen a\angin thil thar tam tak an hriat belh thu leh he pangang puang zel tur ven kawngah pawh chak zawka hma an lak theih phah an inbeisei thu an sawi a. Pangang hi thawk leh khata lo puang thut a nih avangin a ven kawnga hmalaknaah Department chu a lo inpeih tawk hman lo deuh a ni mai a, tunah erawh chuan eng tianga hmalak tur nge tih ruahmanna \ha a awm tawh avangin a pung zel tur chu ven theih an inbeisei tih an sawi a, mipuite ngaihdan leh rin ang aiin chhiatna lian zawk thleng lova he pangang hi thunun theih an inbeisei tih an sawi.
Vaimim eichhetu pangang, Fall Armyworm hi kumin April ni 8 khan Lunglei District-ah hmun \an a ni a. Hemi hnu hian Agriculture Department chuan pangang pung zel veng turin District hrang hrangah hma a la a. Chak lehzuala hmalak a nih theih nan April ni 26 khan Rapid Response Team din niin, hemi hma hian District tinah Squad din a ni bawk a. He pangang tirem tur leh hmalak zel dan tur chungchangah Aizawla Central Integrated Pest Management Centre leh Sorkar laipui hnuaia Directorate of Plant Protection Quarantine & Storage nen inrawn khawma hmalak a ni a, \anpuina awm thei ang ang pawh Sorkar laipuiah dil a ni bawk.
