Zirlai nu leh pa te hian an Headmaster sawn chhuah hun chu a lak lawh hle tih an sawi a, school a enkawl danah \ha tawk an tih avangin an fate pawh luh tir an nih thu te, kum laklawh lova sawn chhuah ni thei se an duh thu te leh transfer order chu sorkarin hnuklet leh se an duh thu te Zonet corr an hrilh a, zirlaite pawhin an Headmaster hi an ui thu an sawi a, sorkarin transfer order hi a hnuk let lo a nih pawhin a awmna hmun turah umzui a, admission dil an tum thu zirlai \henkhat chuan an sawi. Zirlaite hian an headmaster Pu Lalrammawia school a\anga a haw tur hi vuan betin a \hen chuan an \ahkhum hial a ni.
Sorkar enkawl High School 10-a headmaster te hi Ningani khan transfer kual an ni a, Pu Lalrammawia hi Govt Pianghleia HS ah sawn a ni a, a aiawh turin Govt Maubawk High School Headmaster Pu Hmingchungnunga dah a ni. Headmaster 10 khawih chet vang hian Headmaster nei \hin, tun dinhmuna nei rih lo tur High School 6 a awm a, chungte chu Govt Chhiahtlang High School, Govt Tanhril High school, Govt Seling High School, Govt Bawngkawn High School, Govt Rulchawm High School leh Govt Thingsulthliah High School te a ni a, heng school ah te hian zirtirtu senior ber zelin headmaster mawhphurhna an la rih dawn a ni.
