Tunkar ningania Mizoram Sorkar, Council of Ministers \hukhawmin damlo thisen pek man lak \hin titawp tura thutlukna a siam chu lawmawm an tih thu MNF \halaiin an sawi.

0
55
views

Tuchhuah an siamah MNF \halai chuan, hetiang thutlukna siam a nih theih nana hma latu Chief Minister, Pu Zoramthanga, Health & Family Welfare Minister, Dr. R. Lalthangliana-te bakah Council of Ministers-te chungah lawmthu an sawi a ni.

NACO a\anga thisen sawngbawlna dawn \hin tihtawp a nih hnuah kum 2015 a\angin Mizoramah damlo mamawhtuten thisen an hman dawnin a sawbawlna man Unit khat zelah Rs. 500 lak \an a ni a, tlawmngaia a thlawna thisen pekte man neia pek chhuah leh \hin hi Mizo mipui, a bikin khawsak harsa zawkte tan phurrit a tlin avangin MNF party chuan a duh lo em em a, an party hruaituten sorkarna a chan chuan thisen man lak tihtawp a nih tur thu an lo tlangaupui \hin a. Tunah sorkar an siam a\anga rei lote chhunga an intiamna tihlawhtling a, thisen sawngbawlna man lak \hin titawp tura thutlukna an siam nghal chu chhuanawm an tih thu an sawi a. An thutiama ding party hruaitu an neih chu MNF ?halai chuan an lawm hle tih an sawi a ni.

Health Minister, Dr. R. Lalthangliana ngen angin MNF |halai chuan karleh ningani hian MNYF Pisaah thisen pek runpui a nei dawn a, hetah hian a duh apiangte thisen pe turin an sawm che a ni.