Turkey-a rorellai party AK Party in Istanbul Mayor thlannaah hnehna an chang zo lo a, hei hian President Erdogan-a dinhmun pawh sawi nghing tura ngaih a ni.

0
529
views

Ballot paper chhiar kim thawkhat tawhah eptu pawl candidate Ekrem Imamoglu chuan vote 775,000 chuangin hma a hruai tawh a, inthlanna hmasa, pawm tak lohah khan vote 12,000 chuangin a lo chak tawh a ni. March thlaa hnehna a lo chan tawh kha AKP hian thil fel lo a awm nia sawiin, a lo hnawl sak tawh a, tuna inthlanna neih \hat lehah AKP candidate Prime Minister hlui Binali Yildirim chu a chak zo leh ta chuang lo a ni.

President Erdogan chuan Ekrem Imamoglu hi a lawmpui thu twitter ah a ziak a, hemi hmalam hian Erdogan hian Istanbul-a hnehna chang zawnk zawk chu Turkey-a hnehna changtu ang an ni tih a lo sawi tawh a ni. Erdogan hian kum 2003 a\angin Turkey ah hian ro a rel tawh a ni.

Thlan tlin ni ta, Republican People’s Party candidate Imamoglu hian an ramin bung thar a kai ta tih a sawi.