UN hrekna North Korea-in pawm lo

0
400
views
Photo by Mary Altaffer/Associated Press

UN Security Council-in khauh zawka North Korea hrekna tur a pawm hnuah, North Korea chuan vawiin khan a ram an hrekna hi na taka demin, nuclear ralthuam siam chhuah leh enchhin chu chawlhsan phah dawn lo tih a sawi a, US-in a vau beh chhung chu nuclear inremna pawh a awm dawn lo tih a sawi. Vawi tam khap a nih hnuah pawh North Korea hian ralthuam a enchhin zel avangin UN ngaihdan a pel hle ni a hriat a ni a, Inrinni khan UN Security Council chuan US-in a duan, North Korea hrekna thar hi pawmin, North Korea hi a sum hmuh chhuahna ber, lung alhthei, thir chi hrang hrang leh tuifianriat sangha ram danga hralh leh thawn chhuah kawngah hrek a ni dawn a, hei hian kum khat chhunga North Korea-in sumdawnna bungrua a thawn chhuah atanga sum a deh chhuah hmun thuma thena hmun khat, dollar 3,00,00,00,000 vel a chhawk dawn a ni. North Korea sorkar enkawl media, Korea Central News Agency sawi danin, UN thutlukna hi an ram thuneihna palzutna leh inzah lohna lian tak a ni a, North Korea sorkar chuan a ram venhimna tur nuclear ralthuam chu hlan chhawn emaw thlauh thlak emaw a tum lo hle a, a ralthuam chakna tih hmasawn zel chu a thil tum ber a ni a, US chu a thil tih awm lo leh demawm tak avang hian na takin a chhang let dawn a ni.