Guwahati-a NEDA intawhkhawm vawi 4-naah thu sawiin Hmarchhak bial pumah Congress an awm tawh lo a, Hmarchhak bialah congress sorkar lo awm ding tawhten hmasawnna an thlen lo a ni a ti. Amit Shah hian Congress party chu anmahni ham\hatna tura hmarchhak biala harsatna siamah a puh bawk.
Union Minister Dr. Jitendra Singh pawhin thu sawiin hmarchhak bial chu India rama langsar taka chawikan a nih a beisei thu a sawi a. Assam Chief Minister Sarbanand Sonowal chuan North East Democratic Alliance chu hmarchhak bialte suihkhawmtu a ni a ti a, Prime Minister Narendra Modi kaihhruaina hnuaiah hmarchhak bial pumin chak takin hma a sawn mek tih a sawi. NEDA intawhkhawm vawi 4-naah hian hmarchhak biala chief minister hrang hrangte an tel a, Mizoram Chief Minister Pu Zoramthanga pawh a tel a ni.
