Sheriff Tony Spurlock chuan pawikhawihtute pahnih hi STEM-a lut \hin an nih thu a sawi a, school compound chhung luhchilhin hmun hnih-ah zirlaite hi silai hmangin an pawng kah a, school thuneituten police te an hriattir a\anga minute 2 hnuah Police te hi a hmunah an thleng nghal a, thuneitute hma lak ran vangin nunna engemawzat chhan hman a nih thu Sheriff Spurlock hian a sawi a, hliam tuar 8 zinga \henkhat hi an dinhmun a la hlauhthawnawm tih sawiin a \hen chu zai an ngaih thu a sawi.
Spurlock-a chuan pawikhawihtu mi pahnihte hi dan bawhchhiatna la nei ngai lo, a hma zawnga thuneitute enthlak ngai pawha la awm ngai lo an nih thu a sawi a, thil thleng chu pawi a tih thu leh thubuai hi uluk taka chhui tura an inbuatsaih thu a sawi.
STEM School Highlands Ranch hi KG a\ang pawl 12 thleng zirna a ni a, kum 1999-a pawikhawihna thlenna hmun Columbine High School a\ang km 8-a hlaa awm a ni. Pawikhawihna thlen hnu hian dar 3 hma chu school compound luh leh chhuah khap a ni a, police te’n venhim hna thawkin zirlai nu leh pate chu an fate lam tura hrilh vek an ni.
