US-a Texas state-a damdawi lam thil siam chhuahna hmunah thil puak

0
497
views

Thlipui na tak, Hurricane Harvey-in a nuai, US-a Texas state-a khaw pakhat, Crosby-a damdawi lam thil siam chhuahna hmunah thil engemaw, vawi hnih a puak a, helai hmun hi ruahpui vanawn sur avang khan tui lianin a chim mek a ni. He hmun neitu company, Arkema Incorporated thuchhuah sawi danin, America ram sanaa tukin dar 2 vel khan Harris County Emergency Operations thuneitute hnen atangin vawi hnih vel, na tak taka thil a puah thu leh mei khu nasa tak a chhuah thu an dawng a, tui lian avangin helai hmuna kawlphetha pek chhuahna khawlpui leh rikrum thila hman tur kawlphetha pek chhuahna khawl pahnih a chhe bawk a ni. Crosby khawtlang hruaitute chuan he thil puak avang hian tualchhung mite chu helai hmun leh a chhehvela kal an khap a, damdawi lam siam chhuahna hmun a nih avangin, he thil puak avanga thil put chhuak hi mihring tan a hlauhawm hle rin a ni.