US chu thlaphang leh inralringin a awm reng dawn- North Korea

0
1188
views

US leh South Korea sipaite’n nimin khan indo nunchan an zir a, North Korea chuan Pathianni tlaia video thlalak a tihchhuahah, US President Donald Trump-a chu vau-in, US chu thlaphang leh inralringin a awm reng dawn niin a sawi a, US dan bawhchhiatna zawng zawng chu a tawp tawh niin a sawi bawk. He video thlalak hi Pathianni tlaiah khan tihchhuah a ni a, invauna thu bakah hian, US sorkar mi pawimawh hrang hrang thlalak kang lai tihlan a nih bakah, President Trump-a pawh thlanmuala awm anga tihlan a ni bawk. Puan tawh thin angin, North Korea hian US leh South Korea indo nun chan zirna hi a tir atangin a dodal tawh a, US chuan an thil tih hi North Korea beih tumna emaw vauna emaw a nih loh thu sawi thin mah se, North Korea hi a lungawi thei lo a, a chhan let nan nuclear ralthuam en chhin lamah a tuan nia sawi a ni. North Korea sorkar media, Rodong Simun chuan a ram thenawm sipaite leh US sipaiten indo nun chan an zir hi buaina tipunlun thei thil nia sawiin, nuclear indopui pawh a thlen lo ang tih a sawi theih loh niin a sawi a, North Korea sorkarin Pacific tuifinriata US awp, Guam thliarkar, Hawaii leh US chu a duh duh hunah missile hmangin a bei thei reng niin a sawi bawk.