US in Iran leh Yemen bulhnai tuipui venhim kawngah khawvel ram dang sipaite nena thawhho a duh thu a sawi.

0
424
views

Marine General Joseph Dunford, US Joint Chiefs of staff chairman ni bawk chuan helai bial tuipui hi sumdawnna kawng pawimawh anih avangin zalen taka lawng te an chetvel theih US chuan a duh tih a sawi. US hian May thla leh June thla-a tuialhthei phur lawng \henkhat beih a nih thuah Iran chu mawhpurtuah a puh a ni.

General Dunford hian US in ramdangte nena thawkho tur hian hma a la mek tih a sawi a, he ruahmanna hnuaiah hian US chuan a \ul ang zela venhim hna thawktute hman tur lawng a chhawp ang a, helai vel tuipuia thil awmdan a thlithlai reng dawn a ni a ti a, hetihlai hian ramdang te chuan lawng dang, tuipuia venhim hna thawka vei vel tur an thawh ve thung dawn a ni.

He hmalakna hi a thlawptu ramdang an tam dan azirin lian taka kalpui theih a ni dawn tih General hian a sawi bawk a, ramdang tel ve duh an tlem anih pawhin lian lo deuha kalpui mai tur a ni dawn a, ram dang a tam thei ang berin an thlawp theihna turin hma an la tih a sawi.

Iran leh Yamen bulhnai, straits of Hormuz leh Bab al-Mandab te hi lawng hmanga insumdawn tawnna kawnga hmun pawimawh tak, tuipui a\anga Gulf leh Red sea te pawhtu a ni a, Bab-al Mandab hi khawvel ram dang pan tur tuialhthei barrel maktaduai 4 chuangin nitin a paltlang ziah a ni.