US-in Qatar leh Arab ram inkara buaina chingfel turin palai tir

0
1021
views

Qatar leh a thenawm Arab ram dangte inkara buaina chinfel pui turin US chuan palai pahnih a tir tih State Department chuan a sawi. Puan tawh angin June ni 5 khan Saudi Arabia, United Arab Emirates, Bahrain leh Egypt te chuan Qatar hi a firfiaka chetna thlawptu-ah puhin an en san a, insumdawn tawnna bakah inkalpawhna zawng zawng pawh an khar vek a ni. Gulf leh a chhehvela US Secretary of State Deputy, Timothy Lenderking leh US Marine Corps General hlui, Anthony Zinni te chu Qatar leh a thenawm ramte inkara inremna awm theihna tura thawk mek, Kuwait ram thlawp tura tih an nih thu thuneitute chuan an sawi a ni. He buaina vanga Gulf pawh lo tlawh tawh, US Secretary of State Rex Tillerson chuan ralkhat leh telephone hmang maia buaina chinfel tum chu thil harsa tak a nih thu leh, he buaina hi a firfiaka chetna do kawngah pawh harsatna siam thei thil a nih vangin, chinfel thuai an duh tih a sawi bawk a ni.