US Justice Dept. in online hmanga naupang kum tling lo mipat hmeichhiatna thila ti nawmnahtute laka thla hnih chhung beihpui an thlaknaah mi 1,700 dawn an man tih an sawi.

Broken Heart operation tia vuah, April leh May thla chhunga beihpui thlaknaah hian naupang kumtling lo, mipat hmeichhiatna lam kaihhnawiha film-a siamtu leh thehdarhtute bakah a lo entute leh download tute bitum ber an ni a, hei bakah hian mipat hmeichhiatna kaihhnawiha naupang hralhtute leh khawvel hmun hrang hrang fangkuala naupang kum tling lo mutpui ching te pawh dap an ni bawk tih Justice Dept chuan a sawi a, hetianga beihpui an thlaknaah hian naupang khawih chingpen ching mi 308 hmuh chhuah an ni a, khawih chingpen tawk naupang 357 hmuh chhuah an ni bawk. Hetianga an hmalakna hi nasa leh zuala bawhzui zel an tum tih Attorney General Bill Barr chuan a sawi.