US president Donald Trump-a leh a nupui Melania Trump ten ni thum cham turin UK an thlawh.

0
568
views

Trump-a hian ral chhungkaw mi leh sa te a kawm ang a, sik leh sa inthlak danglam chho zel chungchangah leh China technology firm Huwawei chungchang te Prime Minister Theresa May a sawipui bawk ang.

Trump-a’n UK a tlawh chhung hian a laka lungawi lohna lantir tuma inbuatsaih pawl engemawzat London, Manchester, Belfast leh Birmingham ah te an awm a ni.

Trump-a hi UK-a US Ambassador, Woody Johnson leh Foreign Secretary Jeremy Hunt ten an lo dawngsawng a, London Mayor Sadiq Khan-a chuan Trump-a hian UK-ah ropui taka lo dawnsawn a phu lo tih a lo sawi tawh a, Trump-a hian Khan-a hi Mayor anih anga a mawhphurhna hlen zo lovah puh letin, UK thawpui nghet ber US President zin tur a lo dawnsawn dan chu thil nihphung ni lo a ti a, amah ni lovin London khawpuia suahsual rawngbawl \hinte chungchang ngaihven zawk se a duh tih a sawi.

UK sorkar thupuangtu sawidanin UK Prime Minister chuan khawvel sik leh sa inthlak danglam chho zel ven kawnga hmalak dan tur Trump-a hi lo sawipui a tum a, kum 2017-a Paris Agreement siam a\anga US a inhnukdawk chu UK in \ha a tih loh thu pawh lo thlen nawn leh a tum a ni.

Trump-a hi Westminster Abbey fanpuiin Prince Charles leh Duchess of Cornwall te nen an inkawm ang a, Buckingham palace ah lalnu in zanriah a buatsaih sak ang a, lalnu hi Duke and Duchess of Cambridge leh Duchess of Sussex te pawhin an \awiawm dawn a ni.