US President Donald Trump-a leh a ukil ten Trump-a bialnu hlui Playboy Model ka hupna pek dan tur an sawi dun lai record chu CNN in a puang chhuak.

Trump a leh Michael Cohen te hian playboy model Karen McDougal i ka hupna tura sum pek dan tur an sawi dun a, he audiotape hi 2016 September thlaa record a ni a, record hunlai hi President thlang tura thla hnih a la awm lai a ni a, an inngaizawng nia sawi hunlai hi kum 2006 a ni thung. Tuna Trump-a ukil Rudy Giuliani chuan sum hi pek a ni lo nia sawiin, audio tape hian pawikhawihna engmah a lan chhuah tir lo a ni a ti thung. CNN in a tih chhuah he audio tape hi FBI ten kumin kum tir lama Cohen-a in an dap \uma an hmuh chhuah a ni. Dept of Justice chuan Trump-a nena inngaizawng nia insawi, he hmeichhe hnena pawisa pek a awm nia sawi hi a chhui nghal a, hetianga puangzar lova tuemaw hnena pawisa pek nia sawi hi a dik ngei a nih chuan US Campaign Finance Law kalh a nih avangin Trump atan chuan harsatna siam thei tur a ni.