Trump chuan he Ambassador hian UK tan a thawh hlawk lo hle dawn niin a sawi a, email thawntu British Ambassador, Kim Darroch hian White House inrelbawlna chu a fel lo hle nia sawiin, an hnathawh dan pawh a \ha lo hle niin a ziak a ni.
Trade Secretary Liam Fox chuan hetianga email a putru hi mawhphurhna hlen lohna, thil kalphung ni lo leh ram tana \hahnem ngaih lohna rah a ni a ti a, a ti putru duhtu chu ram venhimna kawnga US leh Britain inlaichinaa tih chhiat tumtu leh phiarruk tumtu a ni a ti a, a titu an hriatchhuah chuan dana hrem anih tur thu a sawi.
He lehkhathawnah hian British Ambassador chuan Trump-a rorel dan chu a pangngai thei dawnin an ring lo tih sawiin, hnathawktute chuan mumal takin hna an thawk lova, in palai tawnna kawngah pawh an thatchhiat mai bakah an zei lovin an zawmthaw hle niin a ziak a ni.
