Nikum-a Canada thuneitute’n China company Huawei Financial officer Meng Wanzhou an man hnuah, a lakah hian US in Iran a hrek mekna bawhchhiatna thubuai ziahluh a ni a, US-a thawn a ni dawn tih thawm hriat a nih hnuah Donald Trump-a hian emergency hi a puang a, America company te chu ram dinhmun tiderthawng thei company te siam inbiakpawhna khawlte hman a khap a ni.
Sumdawnna lama inremna an siam theih loh avangin US leh China inkar boruak hi a \ha lo hle a, an bungrua-a chhiah lak intihpunsak tawnin an inbei mek a, China company Huawei hi inbiakpawhna hmanraw siamtu company lian tak a nih avangin, tun boruak \ang tak karah an company thil tih theihna hmanga US mipuite leh sorkar chu dinhmun hlauhawma an dah theih loh nan he emergency hi puan a ni.
