Puan tawh angin June ni 12 khan Trump leh Kim te hi Singapore-ah an lo inkawm tawh a, nuclear ralthuam tihrem dan tur chungchang te an sawi a ni. Secretary of State Mike Pompeo chuan an thil tum la ti hlawhtling lo mahse hmasawnna tam tak an hmuh tawh thu leh chawl lova hna an thawh reng thu a sawi ve bawk a, Trump pawhin missile enchhin emaw, rocket kahchhuah emaw hriat tur a awm lo ringawt pawh chu hmasawnna nasa tak a nih thu a sawi a, Kim chu hmuh ngei a tum thu leh inthlan zawh lama tih chian a nih tur thu a sawi a ni.
US Mid-Term Election hi November ni 6-ah neih tur a ni a, Mid-Term Election hi kum 4 danah, President thlan a nih a\anga kum 2 bawr vela neih \hin a ni a, Senate bakah House of Representatives leh tualchhung inthlan hrang hrang buatsaih \hin a ni.
