US president Donald Trump a’n North Korea nena nuclear ralthuam ti tawp tura an inremnaah China chu kawng daltuah a puh.

North Korea nena hma an laknaah China chuan harsatna a thlen tih Trumpa chuan a sawi a, China President Xi Jinping nena an inlaichinna erawh a \ha niin a sawi thung a, North Korea in nuclear ralthuam ti tawp tura hma a lak hleih theih loh chhan chu China nena insumdawntawnna kawnga an inbeih mek vang niin a sawi. China hi North Korea thawhpui awm chhun a ni a, North Korea hian China kaltlangin bungraw tam ber a chaw lut a ni. Kumin June thlaa Donald Trump leh North Korea hotupa Kim jong-un te inbiaknaah North Korea in nuclear ralthuam ti tawp se tia inremna an lo siam tawh chu hmalakna a awm hlei thei lo a, kar kalta khan Trump-a chuan Secretary of State Mike Pompeo-a’n North Korea a tlawh tur a lo \hulh tir tawh a ni.