US President Donald Trump a’n Russia President Vladimir Putin America tlawh tura a sawm chuan US intelligence hotupa nuih a ti za hle

0
255
views

Hemi chungchang hi National Intelligence Director Dan Coats chu live interview ah hrilh a ni a, nui chungin thil danglam tak a nih dawn chu tiin a inteview tu hi a chhang a ni. Helsinki-a Trump-a leh Putina te inbiakna hian sawi zui a hlawh chhunzawm zel a, eptu party Democrats te chuan President in mimal-a ram dang hruaitute a kawm \hin chu chhunzawm tawh loh an phut a, Helsinki-a an inbiak dan kimchang puanzar anih hma chuan Trumpa leh Putin te chu inbe nawn tawh lo se an duh tih Democratic Senator Chuck Schumer chuan a sawi. Kum 2016 president inthlanna ah Russia hi inrawlha puh a ni a, Russia chuan hei hi thu dik lo a ni a ti a, tunhnaia Helsinki-a ram pahnih hruaitute an inbiak zawh hnu khan Trump-a chuan Russia a inrawlh a rin loh thu hi a sawi a, lehlamah Intelligence Agency lamin Russia a inrawlh ngei tih an finfiah niin an sawi ve thung a ni.