US president Donald Trump a’n Supreme Court judge atan Bret Kavanaugh a rawt

0
847
views

Donald Trump chuan amah hi dan lam thiam chungchuang tak a ni a ti a, District Columbia appeals court judge nilai hi president hlui George W Bush-a adviser lo ni tawh \hin a ni.

President thutlukna hian America chu kawng hrang hrangin a nghawng dawn a, nau tih tlak thu a\anga silai khuahkhirhna dan leh ramdang a\anga pem lut te chungchang thlengin nghawng nei tura ngaih a ni. Tun \um hi Trump a’n Supreme Court judge a ruat \um hnihna a ni a, dan rorelna lama US hmalam hun hriltu tur thutlukna pawimawh taka ngaih a ni. Trump-a chuan Judge Kavanaugh hian sulhnu chhuanawm tak tak a ngah bakah thiamna lamah pawh mi chungchuang, dan hnuaia mitin intluk tlanna chawisangtu a ni a ti. Judge Kavanaugh hian kum 81 mi Justice Anthony Kennedy a thlak ang. Kum 53 mi Kavanaugh hian President Trump-a chungah lawmthu a sawi a, tlin taka a hna thawh a tum thu a sawi.