US President Donald Trump-a’n Syria a\anga US sipaite hruai kir an nih tur thu a puanin sawisel a hlawhna karah sipai nawlpui hruaikir an nih hnuah hian sipai 200 vel an la cham bang rih dawn tih White House in a puang.

White house thupuangtu Sarah Sanders chuan remna leh muanna vawng zui turin US sipai 200 vel chu Syria ah hian an la chambang dawn tih a sawi a, Trump-a hian Syria-a US sipai awm mek 2000 rual te chu April ni 30 hmaa hnuhlet vek an ni dawn tih a lo puang tawh a, he thutlukna hi a awmna party Republican mi leh sa tam tak pawhin an sawisel a ni.

December thla khan Trump-a hian Syria-a Islamic State Group te lakah hnehna an chang tawh tih a lo sawi tawh a, hetihlai hian IS te hi hmun kilkhawr deuh hmun engemawzatah an la inkulh a ni.