US Secretary of State Mike Pompeo a’n North Korea nena inbe tura hmalakna chu tluang takin a kal chho tih a sawi

US Secretary of State Mike Pompeo a’n North Korea nena inbe tura hmalakna chu tluang takin a kal chho tih a sawi a, tih tur erawh a la tam hle a ni a ti. Kim Jong-un a mi rin ber zinga pakhat Gen Kim Yong-Chol nen New York-a an inbiak hnuah he thu hi a sawi a, Gen Kim hian Washington panin, Kim Jong-un a’n US President Donald Trump-a hnena lehkha a thawn chu a pe dawn a ni. Hetihlai hian North Korea hruaitu hian Russia Foreign Minister Sergei Lavrov nen an inbiakna ah Russia nena inbiakna neih a remtih thu a sawi bawk. North Korea leh US official te chuan June ni 12-a Singapore-a President ve ve te inbiakna neih tura ruahman, a puitlin theihna turin hma an la ve ve a ni. Inbiakna neih tumah hian North Korea in nuclear ralthuam tih tawp vek a tum thu a lo puan tawh chu thupui ber tur a ni a, engtianga tih tawp tur nge tih leh hmalak dan tur chu an sawi ber tur a ni.