US sorkar hnuaia office \henkhat, hnathawk thei lova khar mek chu US chanchin-a a rei ber \um a ni ta.

0
136
views

Politics thilah inremna a awm mai theih loh avangin office \henkhatte hi ni 22 chhung khar an ni ta a, President Bill Clinton-a hunlai kum 1995-96 khan ni 21 chhung hna thawk thei lova office \henkhat khar hi a lo thleng tawh a ni. President Donald Trump-a chuan Mexico ramri hungna tur sum senso tel lo chuan budget pass a remti lo a, Democratic party chuan ramri hungna tur dollar Tld 5.7 chu pass an remti lo a ni.

Budget pass theih a nih loh avang hian US sorkar hnuaia hnathawktu hmun 4 a \hena hmun khat vel, mi nuai 8 vel zet chu hlawh la thei lovin an awm mek a, hlawh lak ni, nimin khan Jail vengtute, airport-a hnathawktute leh FBI mi leh sa te chuan hlawh an la thei lo a ni.

President Trump-a chuan congress vote pui kher ngai lova Emergency puanga sum hmang thei turin hma a la mai thei tih lo sawi tawh mahse, congress in a pawmpui ngei chu a beiseina a ni tih a sawi nawn a, ramri hung hi Trump-a chuan a campaign laia a auhla ber pakhat a ni.