US Wisconsin-a hmeichhe naupang kum 13 mi, a nu leh pa kahhlum an nih hnu-a chin hriat lova bo ta chu dam taka hmuh leh a ni.

0
43
views

Jayme Closs-i pa kum 56 mi leh a nu kum 46 mi te chu nikum khan an chenna inah kahhlum an ni a, kum 13 mi Jayme Closs hi chin hriat lovin a bo ve nghal a, police te chuan Ningani khan dam taka hmuh a ni tih an sawi. Tualchhung chanchinbute tarlan danin Jayme hi thinglang khaw pakhat Gordon-a in pakhat a\angin a tlan chhuak niin an sawi a, a hmu hmasatute hian a hmel a dangin a chau hle tih an sawi a, an kawngkhar rawn kik dawt dawtin, police te phone nghal turin a ngen tih an sawi.

Police te chuan chanchin kimchang an la puangzar lo a, nikum October ni 15 khan tualthattu hian Jayme-i nu leh pa te hi a kaphlum a, Jayme hi a bo ve nghal avangin tualthattu hian an hruaibo nia a lan thu Police te chuan khatih hunlai khan an sawi a, thil thlen dan lo hmutute chuan Jayme hi silai keng mipakhatin an in a\ang hian a hruai chhuak tih an sawi.