US Wisconsin police ten kum 21 mi Jake Thomas Patterson chu hmeichhe naupang kum 13 mi ru boa a nu leh pa a thahsak bawk avangin thubuai rip tak an siamsak.

0
179
views

Hmeichhe naupang Jayme Closs hi Ningani khan amah rubotu in a hren behna a\anga put chhuakin, \henawm hnaia lo awm ten an chhan chhuak a, police te hriattir an nih hnuah a nu leh pa thahsak-a amah rubo zuitu Jake Thomas Patterson hi Police te chuan an man nghal a ni. Hmeichhe naupang Jayme hi a nute-i hnenah hlan a ni. Barron County Sheriff Chris Fitzgerald chuan Jayme rukbo anih hma hian a rubotu nen hian inhriat lawkna engmah an nei lo tih a sawi a, Jayme hi damdawiinah hruai anih hnuah a dinhmun a \hat avangin chhuahtir leh nghal a ni.

Jayme hi a rubotu hian thla 3 zet a kawl hman a, a tlan chhuah hnuah Ningani khan thingtlang khaw pakhat Gordon ah chhanchhuah a ni a, Douglas Conty Sheriff Tom Dalbec sawi danin Jayme-i’n amah rubotu car awmdan a sawi chu chhui nghalin Police te chuan minute 11 hnu lekah Jake Thomas Patterson hi an man nghal a ni.