Uttar Pradesh-a chini siamna bulah boruak tha lo hip avangin zirlai 300 an damlo

Uttar Pradesh-a chini siamna bulah boruak \ha lo hip avangin zirlai 300 an damlo a, an zinga 30 chu damdawi inah dah an ni. Shamli dist.-a he thil thlengah hian, chini siamna hmun a\anga boruak tihchhuah, mihring hip atana hlauhawm thei chu a bul hnaia Saraswati Shishu Mandir zirlaiten an hip a, an pum a na a, luhai leh mit na-te an neih phah niin Police-ten an sawi. Doctor-te chuan thih hlauhthawnawm chu an awm lo niin an sawi a, state CM, Yogi Adityanath chuan he thil thlen dan hi chhui turin Saharanpur Commissioner a hriattir a, chini siamna hmun hi khar nghal a ni bawk. Meerut zone bialtu ADG, Prashant Kumar-a chuan, hetiang thil hi a hma pawhin a thleng tawh niin a sawi a, chhui chian a nih hunah a mawhphurtu chu hrem a tiam a ni. CM chuan dist. Bawrhsap leh tualchhung mi pawimawhte chu, he harsatna tawkte dinhmun en zui a, \anpui turin a hrilh tawh niin state sorkara Information Principal Secretary, Awanish Awasthi chuan PTI a hrilh bawk. Tualchhung mite sawi danin, he chini siamnaa thawkte hian an hmanraw paih chhuah, damdawi lam thilte chu a bul hnaiah an paih mai avangin a hlauhawm hle a, tukinah pawh khan an bawlhhlawh chu an lo hal a, a khu a\angin naupangte hian he thil hlauhawm hi an hip l<t a, a \hen chu nikhaw hre lovin an awm hial niin an sawi.