Uttar Pradesh-a Sonbhadra District Ubha khuaah ram chungchanga inhnial buaina vangin inkahna a thleng a, mi 10 an thi.

0
350
views

Acre 36-a zau ram chungchanga inhnialnaah hian mi 10 an thih bakah mi 24 an hliam a ni. Bubha khaw hotu, Yadya Dutt leh a thurualpui mi 200 rual vel te chu tractor 32-in helai hmunah hian an kal a, tunhma ram a lo lei tawh luah tumin an thawk chhuak nia sawi a ni. Loneituten an lo dodal avangin Yadya Dutt leh a hote hian darkar khat leh a chanve vel silai an hmetpuak zui ta nia sawi a ni.

Yagya Dutt chuan an ram inchuh chu kum 10 liamta khan a neitu dik takte hnen a\angin a lei tawh niin a sawi.

Police-in ni hnih chhung an zawn hnuah Yogya Dutt hi manin, a \huihruai zinga mi 24 te pawh man an ni tawh a, an man zingah hian Yagya Dutt-a unaupa pawh a tel a ni.

Congress hruaitu, Priyanka Gandhi chuan he buaina chhuak avanga hliamte leh thi chhungte tlawh a tum thu sawiin, a kal tur Mirzapur-a tih din a nih chhan a hriat loh thu a sawi a, tunge an nih a hriat loh ten motor-in an hruai hrang niin a sawi bawk.

Prime Minister, Narendra Modi chu Sonbhadra district-a insuatnaa hliam tuar, a bial chhung Varanasi damdawi ina dah te tlawh turin a kal a ni.

Priyanka Gandhi chuan, BJP a sorkarna hmun a piangah dan bawhchhiatna leh thil sual tihna a hluar tih twitter-ah a ziak a, thingtlang khaw hmun hrang hranga inthahna a thlen lai pawhin BJP leh sorkar thuneitute chuan ngawi rengin an enliam mai niin a sawi.

Chief Minister Yogi Adityanath chuan he thil thleng chungchangah hian, Congress sorkar laia dan leh thupek kenkawh \hat loh rah a ni a ti a, Congress hunlaiin dan bawhchhetute humhim an ni \hin a, Sonbhadra-a thil thleng pawh hi dan bawhchhetute humhim \hinna rah \ha lo lo lang a ni a ti.