Uttar Pradesh ah IAS officer pahnih a rualin suspend

Uttar Pradesh ah IAS officer pahnih chu Chief Minister Yogi Adityanath a’n a rualin a suspend a, Uttar Pradesh by election ah rorellai BJP an chak loh hnuah IAS pahnihte hi suspend an nih avangin ngaihven a hlawh hle. Chief Minister in IAS pahnih a suspend te hi Gonda District Magistrate JB Sing leh Fatehpur District Magistrate Kumar Prashant te an ni a, Uttar Pradesh sorkar thuchhuah chuan Fatehpur district magistrate hi wheat lei thu-a thil fel lo a awm avanga suspend nia sawiin Gonda district magisrtate chu mipui hnena ration buhfai sem danah thil a tih dik loh vanga suspend niin a tarlang a, thil an tisual nia sawi kimchang erawh a puangzar tel lo thung. UP ah hian by election ah an chak loh hnuin Chief Minister hi BJP hruaitute pawhin an sawisel nasa hle a ni.