Uttar Pradesh Legislative Council Chairman Ramesh Yadav-a nupui, Meera Yadav chu an fapa kum 19 mi Abhijeet Yadav thih chungchangah vawiin khan man a ni a, a rek hlum tih a inpuang.

0
194
views

 

Abhijeet hi nimin khan an chenna inah thia chhar a ni a, chhui hmasakna-ah chuan lungphu chawla thia ngaih a ni a, a nu, Meera chuan Abhijeet hi Inrinni zan khan rui takin a haw thu leh zankhuaa a mut hleih theih loh hnuah a awm leh ban velah te damdawi a chulh sak niin a sawi a ni. Abhijeet-a ruang hi hal ral tura sawngbawl a nih laiin a thih dan ringhleltu an awm avangin police-te’n an chhui chiang a, Meera hian thil thlen dan a sawi danglam nasat avangin rinhlelh thilthu-ah thu zawhfiah a ni a, a fapa nen hian an inhnial buai avangin a rekhlum tih police-te hmaah a puang ta a ni.