Zonet zawhna chhangin Horticulture College Thenzawl-a rannung chanchin zirna, Entomology-a Asst Professor R Lalrinfeli chuan vaimim eichhetu pangang puang mek hi tun dinhmunah a tam thei ang ber suat chu loneitute harsatna tih nep theihna kawng a ni a ti a, hetiang pangang lo buapui tawh ram dangte dinhmun enin pangang puang hian Mizoram a chhuahsan mai dawn lo tih a sawi.
(interview: R.Lalrinfeli, Asst. Professor (Entomology) College of Horticulture, Thenzawl, Central Agricultural University.)
Lungleng rama loneitute dinhmun ZONET in a hmuna a enfiahnaah Lungleng ram mallan zaua chhungkaw 90 te Vaimim hmun chu fall armyworm hian a ei chhe mek a, Agriculture Department \anpuina-in a thahna hlova beihlet mek a ni a, loneitu \henkhat in an thlai enkawl dan chu \hatpui viaua an inhriat laiin \henkhat erawh chuan awmzia awm vak lovin an hre thung.
(interview: loneitu & VCP, Lungleng )
Agriculture Department-a mithiamte chuan loneitu \henkhatin rannung thahna hlo an pek \ha tawk lova an hriat chhan chu an bawlhlo hmanin hna a thawh hun an nghah zawh loh deuh vang nia an hriat thu an sawi.
Pangang puang mek fall armyworm tia sawi hian vaimim hmun a bei ber a, vaimim eitur a hmuh loh chuan thlai dang pawh a bei chhunzawm mai \hin tih mithiamten an sawi a, tunah hian Mizorama District zawng zawng pangang puang hian a tuam chhuak tawh a, ram hectare 2000 chuanga zau a bei tawh a, loneitu chhungkaw 5000 velin an tuar mek a ni.
