Vairengte Police Station-a Police te pawh he thil thleng hi entir an ni a, Zonet zawhna chhangin Police hotute chuan Varak thi panga zinga pahnih chu a kawchhung haichhuah a ni a, pakhat chu a kawchhung leh a taksa ei fai deuh vek niin an sawi. Varak thi dangte chu an ring ruh a tliak a, pakhat erawh chu a hmel a him pial a ni. A \henawmpa VC Member hlui Pu Zalawta sawi danin Nilai zan pawh khan an in bulah thawm an hria a, a fapa nen pawna an tlanchhuah chuan an in kawt leh an in chungah Varak an hmu a, hengte hi an \henawmpa Pu Vanneihthanga Varak an ni a, engin emaw a um darh niin an ngai a, a tukah erawh chuan thi a awm lo a ni. He thil thleng hi thil mak danglam tak, Manipur-a ranvulh seh ching an sawi nen sawi zawmin Social Media-ah thehdarh a ni a, amaherawhchu, Vairengte mite chuan he thil thleng hi Sihal emaw, Sanghar emaw thil tih pawh ni thei thova ngaiin finfiah a nih hma chuan mak danglam taka sawi chi a ni lo niin an sawi.
