Vawiin chhun khan Thenzawl leh Buarpui inkara Tlawng luia thir lei, Bailey Bridge chu Tantia Construction Company Truck pahnih a ruala tlanin an zawh chim.

0
634
views

ZONET zawhna chhangin PWD hotute chuan he kawng hi Tantia Construction Company-in Asian Development Bank sum hmanga a siam lai mek a ni a, lei zawh chimtu Truck pahnih hi full load nia sawi a ni a, he lei hlui dawl zawh tawk tura ngaih hi tone 20 vel a nih laiin truck full load pahnihin a ruala an zawh chuan motor leh a thil phurh rih zawng chu tone 50 aiin a tlem dawn lova, hei hi dan bawhchhiatna a nih avangin PWD chuan Thenzawl Police Station-ah FIR an thehlut tawh a, ADB Project hnuaia Serchhip-Thenzawl-Buarpui kawng km 55-a thui laih enkawltu Project Director, Pu K. Lalsawmvela, PWD Highway Chief Engineer ni bawk chuan lei chim hi naktukah a hmunah tlawhin a en dawn a ni. Lei zawh chimtu Truck driver te hi an hliam na lova, pakhat erawh chu damdawi inah hruai a ni.