Sitharaman-in Union Budget a pharh hma hian PM Narendra Modi-a kaihhruai, Union Cabinet chuan a lo pawm tawh a, thu a sawi \an hmain President Ram Nath /Kovind-a kutah a hlan a ni.
Union Budget hian Pradhan Mantri Gram Sadak Yojana hnuaiah khawpui pawn lam kawngpui km 1,25,000 cheina tur, cheng vbc 80,250 dah hran a ruahman a, hei bakah hian sumdawnna tenau zawk neite \anpuina tur shceme hrang hrang, Bharatmala, Sagarmala leh Udaan pawh pawisa dah a ruahman bawk a, tuikawng leh rel kawng sial kawnga hmalakna thar bul \anna tur eng emaw zat ruahman a ni bawk a ni.
Union Budget a pharh pah hian Sitharaman chuan kumin October ni 2 chuan ram pum chu khawlaia inthiar awm lohna-ah puan theih a nih tawh tur thu a sawi a, kum 2014 a\anga chhiarin Swachh Bharat Mission hnuaiah inthiarna vbc 9.6 siam a nih tawh thu leh thingtlang khua, nuai 5.6 vel chu pawn lama inthiar awm lohna hmunah puan a nih tawh thu a sawi bawk a, Swachh Bharat Mission huang zauh zel an tum thu leh thiamna thar hmanga bawlhhlawh sawngbawl dan \ha zawk khaw hrang hrangah put luh leh an tum thu a sawi bawk a, he mission hnuaiah hian ram mipui tam zawk nunphung chu thlak danglam a nih thu te leh hriselna kawngah pawh hmasawnna tam tak a thlen thu te, naupang zinga kaw\halo leh malaria leng \hin pawh a tlakhniam tawh thu te a sawi bawk a ni.
