Air Force General Rangel chuan sorkar chu mimal thuneihna hnuaiah a tlu lut tih sawiin, sum leh pai harsatna nasa tak an tawh laiin Maduro hian sipaite chakna hmangin ro a rel a ni a ti a, Maduro hlauhna chu nuai bo a ngai a, politics kalphung thlak turin sipaite chu \angkhawma an chet a ngai a ni a ti.
Maduro dotu sipai officer an lo awm nual tawh a, heng mi te hian ram chhuahsanin an tlan bo hlawm a, Rangel-a thusawi hian Maduro tana rinawm sipaite rilru a thlak leh thlak loh chu ngaihchan mek a ni. Air Force Commander Pedro Juliac-a chuan Rangel-a hi Venezuela mipui phatsantuah a puh a. A hmaa Maduro dutu officer te ang lo takin Rangel a hian eptu pawl hotu Juan Guaido \an zawngin thu a sawi lo thung a ni.
