Term hnih chhung Vice President nihna lo chelh tawh, Pu Hamid Ansari-a chu vawiin chawhnu dar 1:28 khan VP a nih hun chhung tur hmang zovin a chhuak ta. Parliament fur thutkhawm ni 19-naah hian Rajya Sabha Chairman, Pu Ansari-a hi MP-te’n an thlah liam a, PM Narendra Modi-a chuan thlahna thu sawiin, VP hlui hnen atang hian thil tam tak a zir chhuak tih a sawi a, ram hmasawn theih nan leh siam that tumin a theih tawp chhuaha a thawh thin thu leh a hnathawh ropui tak takte chu ngun takin a lo thlir thin niin a sawi a, Pu Ansari-a hnenah hian a duhsakna hlanin, VP a nih laia a hlawhtlinna chu a kal zelnaah a chhawm zui zel a beisei thu leh, Rajya Sabha leh Lok Sabha bakah ram mipuite aiawhin lawmthu a hrilh a ni. Puan tawh angin, VP atana thlan thar, M Venkaiah Naidu-a chu naktuk hian VP 13-na ni tur a lak luh a ni dawn a ni.
Chanchin Thar Vice President Hamid Ansari thlah
