Vietnam-a Communist Party hnuaia dinhmun pawimawh tak luah thin mi pakhat chu sum leh pai enkawl kawnga thil ti dik lova puhna thubuaiah thiam loh chantir a ni a, kum 13 tang tura a chungthu rel a ni.
Politburo member hlui, Dinh La Thang hi PetroVietnam-in sum tam tak hlohna thubuaiah thiam loh chantir a ni a. He thubuai hi eirukna dona kawnga thubuai pawimawh leh langsar tak pakhat a ni. He firm thoa thawk thin Trinh Xuan Thanh chu dam chhung tang tura a chungthu relsak a lo ni tawh bawk. German Foreign Ministry chuan Dinh La Thang hi a raltlanna hmun, Berlin atanga ru chhuakah Vietnam hi nikum khan a puh a, hei vang hian khawvelin a thubuai hi a ngaihven zual a ni. A rual hian midang 20 te thubuai pawh Hanoi ah ngaihtuah a ni a, ramdang chanchinbumite chu thubuai ngaihtuahna ah hian an tel phalsak an ni lo a, heng mite hi kum 3 atanga kum 9 inkar tang tura an chungthu rel sak an ni hlawm.
