AIADMK party hruaitu langsar tak \hin, VK Sasikala pasal, M Natarajan chu vawiin khan Chennai damdawiinah a thi a, kum 74-a upa a ni. Natarajan hi kar kalta zirtawpni khan Gleneagle Global Health City damdawiinah chuap lam natna avangin dah luh a ni a, a dinhmun a \ha lo sa hle niin a enkawltu, doctor-te chuan an sawi a ni. A nupui, Sasikala hi eiruk thubuaia thiam loh chantir a nih vangin lung-inah a tang mek a, a pasal vui leh a sunna hun-te hmang ve turin ni 15 chhuah lailawk a dil nghal tih thuneitute chuan an sawi a, phalsak a nih rin a ni a, a damloh zual deuh lai pawh khan chhuah lailawk an lo phalsak tawh a ni. Natarajan leh Sasikala te hi kum 33 an innei hman a, Sasikala-i’n a zui tak, Tamil Nadu CM thi ta, J Jayalalithaa nena inhmelhriattir-tu pawh Natarajan hi a ni a, Jayalalithaa-in AIADMK a\anga Sasikala a hnawhchhuah pawh khan Natarajan leh an vahpa, TTV Dhinakaran te pawh an tel a, a lama \ang leh tura a chhungte leh a pasal kalsan Jayalalithaa-in a phut avangin, a pasal hming tawp hi Sasikala chuan a paih leh ta a ni.
