Inrinni tlai khan North 24 Parganas District ah BJP worker pahnih thah an nih bakah Trinamool Congress worker pakhat chu silaia kah a nih hnuah hrei-a cheh hlum a ni a. BJP chuan an party worker Basirhat hmun-a thah an nih duh lohna lantir hian lungawi lohna ni Black Day vawiin khan an hmang a, he thil thlenna hmun hi Kolkata a\anga km 70 vela hla a ni. BJP Worker mi za rual te chuan an worker pahnih te ruang hi nimin khan Kolkata-a an party office panpui an tum a, Police ten an dang a, BJP te hian 24 Parganas district-a Basirhat hmunah hian darkar 12 chhung Total Bandh an huaihawt bawk a, motor kawngpui te dangin rel tlan turte pawh an ti khaihlak a ni.
24 Parganas district ah hian vantlang hmuna party flag intar inlak thlak sak thuah Trinamool Congress leh BJP worker te hi an intibuai a, Trinamool congress party worker pakhat thah a nih hnuah BJP worker pahnih hi thah an ni ve leh a ni. Home Minister Amit Shah chuan thil thlen dan kimchang Home Ministry-a thehlut turin West Bengal sorkar a hriattir tawh a, Central sorkar hian thil awmdan chu dan leh thupek kenkawh kawnga hlawhchhamna a ni a ti. West Bengal sorkar erawh chuan boruak sosang thununfel a ni tawh a ti thung a, state sorkar chuan buaina ti reh turin a \ul apiangah hma a la a ni a ti.
West Bengal ah hian rorellai Trinamool Congress leh BJP worker te hi an inep na hle a, BJP chuan he state ah hian hma a sawn nasa a, Lok Sabha inthlanpui zawhfel takah pawh khan seat 42 awmah 18 an la phak a, kum 2014 inthlana seat 34 la phak Mamata Banerjee-i Party Trinamool Congress chu seat 22 ah an tla thla a ni.
