Wiltshire-a hmeichhe pakhat tur chikhat nerve agent novichok vanga a thih thuah Police ten tualthah thubuai ziak lutin an chhui \an.
He tur hi March thlaa Russin spy hlui Sergei Skripal hraina ang chiah anih avangin British chuan Russia chu mawhphurtuah a puh a, hei hi Russia chuan nasa takin a pha thung. Tuna thihpui ta, Wiltshire hmeichhe pakhat kum 44 mi Dawn Sturgess hi June ni 30 ah dam lo \anin Pathianni khan a thi a, midang pakhat Charlie Rowley kum 45 pawh damdawiin ah enkawl mek a la ni a, a dinhmun a \ha lo hle. British PM Theresa May chuan Sergei Skripal leh a fanu Yulia te Salisbury-a hrai an nih hnua tuna Dawn Sturgess i’n he tur tho a thihpui ta chuan a barakhaih hle tih a sawi. He thihna chungchang hi Wiltshire police te bakah Counter-Terrorism Policing Network leh detective 100 rualin an chhui mek a, heng mi pahnihte taksa-a tur a luh dan hi finfiah la ni chiah lo mahse, tur hi an kutah a kai ngei tih erawh an finfiah tawh thung.
